Tenesteoversikt

Eining barnehage består av 4 kommunale barnehagar: Onarheim barnehage, Stjernereiso barnehage, Vågsmarka barnehage og Lunde barnehage. Barnehagane i kommunen har ulike tiltak for barn.

Barnevernet er organisert under Eining barn og familie. Barnevernet skal vera ein garanti for at alle born og unge blir sikra omsorg, tryggleik og utviklingsmuligheter. Dei skal beskytte born mot omsorgssvikt og motvirke at born lir fysisk og psykisk overlast. Barnevernet sitt arbeid er en blanding av støtte og kontroll. Det skal gi hjelp og støtte slik at heimen skal kunne makte sitt oppdrageransvar, men dei har og plikt til å gripa inn dersom det ikkje nyttar.

Ergoterapeuten i Tysnes kommune arbeider i open omsorg med menneske i alle aldrar og med ulike typar lidingar og diagnosar. Til ergoterapeuten kjem folk som har problem med å meistra aktivitetar og gjeremål i kvardagen. Ergoterapi er også å hjelpa pasienten til å ta i bruk eigne ressursar. For eldre kan tidlege ergoterapitiltak verka førebyggjande m.o.t. innlegging i institusjon. Ergoterapitenesta består av 60 % stilling Kommuneergoterapeut. Ergoterapeuten har kontor på helseavdelinga på kommunehuset. Du kan ta direkte kontakt med ergoterapeuten, eller be pårørande eller anna helsepersonell ta kontakt for deg. Det er ingen eigenandel på ergoterapitenesta.

Familievernkontoret på Stord gjev tilbod om behandling og rådgjeving når det er vanskar eller kriser i familien. Du kan ta direkte kontakt med eit familievernkontor, og alle dei tilsette har teieplikt. Samtaleterapi for par og familiar er det vanlegaste tilbodet. Familievernkontoret tilbyr òg kurs og gruppeopplegg om aktuelle familie- og samlivstema. Familievernkontoret utfører obligatorisk mekling.

Fysioterapitenesta arbeider med menneske i alle aldrar, på helsestasjonen, i barnehagar, skular, sjukeheimen og i heimar. Arbeidet omfattar habilitering og rehabilitering, førebyggjande og helsefremjande arbeid. Brukarar av tenesta vert tilvist frå helsestasjonen, barnehagar, skular, sjukeheimen, sjukehus eller av fastlegen.

Kommunen har etablert eit team sett saman av ulike fagpersonar, med målsetjing å hjelpe barn og familiar innanfor rammene av førebyggande psykisk helsearbeid. Førebyggande tiltaksteam er eit lavterskel gratis tilbod til familier i kommunen. Tenesta består av kommunepsykolog, psykisk helsearbeidar, helsesjukepleiar og familieterapeut.

Helsestasjontenesta driv førebyggjande og helsefremjande arbeid i kommunen, særleg retta mot barn, unge og føresette. Tenesta er eit lågterskel tilbod, som vil seie at ein kan ta kontakt ved behov, enten via telefon eller kome innom. Her kan ein få råd og rettleiing kring barns vekst og utvikling. Helsestasjonen samarbeider m.a med fastlege, fysioterapeut, barnehage, psykisk helseteneste, PPT og barnevern.

Helsestasjon for ungdom (HFU) er eit gratis tilbod til ungdom mellom 13 og 23 år. HFU er ein del av helsestasjonstenesta i kommune.  Her kan du få hjelp og råd frå helsesjukepleiar, lege og evt. jordmor og psykolog. Dei som jobbar der har teieplikt.

Døme på emne som du kan ta opp:

• Spørsmål om kroppen
• Menstruasjonen
• Forelsking og andre kjensler
• Røyking, snus og anna rusrelatert
• Graviditet
• Seksualitet
• Problem på skulen eller heime
• Einsemd
• Etevanskar
• Psykiske vanskar
• Vonde opplevingar, til dømes seksuelt overgrep, vald/sjukdom i familien

Helsestasjonen kan m.a. hjelpa deg med:

• Samtale
• Graviditetstest
• Prevensjonsrettleiing og prevensjon
• Gratis kondomar
• Testing av kjønnssjukdomar
• Tilvisingar til andre instansar i helsevesenet

Målgruppa for Krisesenteret er kvinner, menn og barn som er utsette for vald eller truslar i nære relasjonar. Krisesenteret tilbyr ikkje hjelp til valdsutøvaren.

http://www.hvorlite.no/ er ei heimeside om vald i nære relasjonar og gjer informasjon om kor lite du skal finne deg i.

Treng du ein stad å bu i ein akuttsituasjon eller nokon å snakke med, nokon du kan stole på? Du kan ta direkte kontakt med eit krisesenter, og alle dei tilsette har teieplikt. Vi kan blant anna tilby deg:

• Eit menneske som lyttar til det du vil fortelje
• Informasjon om rettar, råd og rettleiing på telefon eller ved oppmøte
• Eit mellombels tilbod om ein stad å bu for deg og barna dine.
  Butilbodet til kvinner og butilbodet til menn skal vere fysisk skilde
• Hjelp til å få kontakt med lege, advokat, politi, sosialkontor eller andre hjelpeinstansar

Vald, mishandling og overgrep er eit stort samfunnsmessig problem, med alvorlege konsekvensar for dei som blir råka.

Krisesenteret vil, i samarbeid med deg, vurdere kva som skal til for at du skal være trygg på senteret. Dersom krisesenteret ikkje kan beskytte deg godt nok, skal kommunen og politiet saman finne ein stad å bu for deg

NAV er ein offentlig etat som har ansvaret for organisering og finansiering av arbeidsmarkedstiltak, trygdeytelser og sosialhjelp. NAV forvaltar ei rekke ulike ordninger som sjukepengar, dagpengar, pensjon, kontaktstøtte, arbeidsavklaringspenger og barnetrygd. NAV kontoret ligger i første høgda i Rådhuset.

Tysnes kommune er ein del av PPT for Fitjar, Tysnes og Stord. Den pedagogisk-psykologiske tenesta skal hjelpe barnehage og skule i arbeidet med kompetanseutvikling og organisasjonsutvikling for å leggje barnehagetilbodet og opplæringa betre til rette for barn og elevar med særlige behov. Den pedagogisk- psykologiske tenesta skal sørgje for at det blir utarbeidd sakkunnig vurdering der lova krev det.

Skulane i kommunen er Onarheim skule, Uggdal skule og Tysnes skule. Skulane i kommunen tilbyr ulike tiltak for barn og familiar.

Skulehelsetenesta er et tilbod for barn og ungdom mellom 5 og 20 år. Skulehelsetenesta skal bidra til god helse blant barn og ungdom, slik at dei opplever meistring, trivsel og struktur i skulekvardagen.

Hos helsesjukepleiar kan du spørje og snakke om det du lurer på. Du kan også ta kontakt viss du har ein ven som treng hjelp. Skulehelsetenesta tilbyr også:

• Skulestartundersøking (i 1. trinn på barneskolen)
• Undervisning i grupper og klasser om blant annet fysisk, psykisk og seksuell helse
• Helsesamtale i 8. trinn
• Veging og måling
• Vaksinering